लन्डन मेलामा यु के शेर्पा किदुग् सहभागिता

लन्डन । ४ सेप्टेम्बर आइतबार गनर्सवरी पार्कमा आयोजित  विशाल लन्डन्  मेलामा नेपाली दूतावासले दोश्रो पटक सहभागिता जनाएर नेपाली कला संस्कृति एवं पहिचान विश्वसामू चिनाउने काम गरेको छ ।

दक्षिण एसियाली संस्कृति झल्काउने वृहत सो मेलामा यसवर्ष  नेपाली राजदूतावासको दोस्रो पटक् सहभागिता हो । राजदूत डा सुरेश्चन्द्र चालिसेले गत वर्ष भन्दा यसपटक नेपाली दूतावासको प्रदर्शन व्यवस्थित र प्रभावकारी भएको पनि बताए । दूतावासको स्टलमा विदेशीहरुलाई  नेपाल पर्यटन वर्ष अभियानमा टेवा पुग्ने खालका सामाग्रीहरु राखिएका थिए ।

क्लासिकल स्टेजमा शेर्पा, लिम्बु नेवारी, तमु ,नौमती बाजा, कोशेली समूहले नेपाली मौलिक नृत्य साथै नेपाली कल्चरल फेशन शो समेत प्रस्तुति गरियो । झरीले गर्दा दर्शक सहभागिता अलिक कम रहेपनि बेलुकि समय भने दर्शकहरुको घुइचो निकै बढेको थियो ।

मेलामा दक्षिण एसियाली कला संस्कृति झल्कने विभिन्न सांस्कृतिक प्रस्तुति, खाना, भेषभुषा, संगीत आदि समावेश गरिएको थियो । सो अवसरमा राजदूतबासले दक्षिण एसियाली कुतनीतिज्ञहरुका लागि एक रिसेप्सन समेत आयोजना गरे । सो रिसेप्सनमा एक्टिङ इन्डियन असिस्टेन्ट हाइ कमिश्नर, हाइ कमिश्नर अफ बंगलादेश, इलिङ मेयर, काउन्सिलरहरु लगायत नेपाली संघसंस्थाका प्रतिनिधिहरु सहभागी थिए ।

दूतावासका सेक्रेटरी प्रशान्त कुंवरले संयोजन गरेको सो मेलामा यु के शेर्पा किदुग् का तर्फबाट अध्यक्ष गोम्बा पिनासा शेर्पा, महासचिब् रिन्जी टाक्तोक् शेर्पा,सांस्कृतिक सचिब् कर्मा छिरिङ् लामा शेर्पा, कलाकारहरुमा ,दिकु, निलिमा,ङिमा,निकिता र मिङ्मा शेर्पाले भाग् लिएका थिए भने अन्य सदस्यहरुको पनि मनग्य उपस्थिति रहेको थियो।

मेलामा ९० हज्जार् भन्दा बढि दर्शकहरुको सहभागिता रहेको आयोजक ले बताए।

 यु के शेर्पा किदुग्

                 बिज्ञापनको निम्ति सम्परक राखनुहोस  

                   Email : chandlama@uksherpa.org